تۈركىيە رۇسىيە-ئۇكرائىنا ئۇرۇشى توغرىسىدا بايانات ئېلان قىلدى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى تاشقى ئىشلار مىنىستىرلىقى يازما بايانات ئېلان قىلىپ، ئىككىنچى يىلىنى ئارقىدا قالدۇرغان رۇسىيە-ئۇكرائىنا ئۇرۇشىنىڭ ئۇكرائىناغا يەتكۈزگەن ئېغىر بۇزغۇنچىلىقىنىڭ تەسىرىنىڭ كۈنسېرى كۈچىيىۋاتقانلىقىنى، ئۇنىڭ رايون ۋە دۇنيا مىقياسىدىكى سەلبىي ئاقىۋەتلىرىنىڭ بارغانسېرى چوڭقۇرلىشىۋاتقانلىقىنى ئەسكەرتتى.

«بىز دىپلوماتىك مۇساپىنى قايتا جانلاندۇرىدىغان پۇرسەتنىڭ ھامان بىر كۈنى تۇغۇلىدىغانلىقىغا ئىشىنىمىز» دېگەن ئىبارىلەرگەن ئورۇن بېرىلگەن باياناتتا، بۇ تونۇشنى ياقلىغان ھالدا تەرەپلەرگە زۆرۈر تەكلىپلەرنى سۇنۇشنىڭ داۋاملىشىۋاتقانلىقى تەكىتلەندى.

باياناتتا يەنە: «ئۇكرائىنا مەسىلىسىگە ئۇكرائىنانىڭ مۇستەقىللىقى، ئىگىلىك ھوقۇقى ۋە زېمىن پۈتۈنلۈكى ئاساسىدا ئادىل ۋە مەڭگۈلۈك ھەل قىلىش چارىسى تېپىش ئۈچۈن داۋاملىق تىرىشىمىز» دېيىلدى.

رۇسىيە 2022-يىلى 2-ئاينىڭ 24-كۈنى ئۇكرائىناغا قارشى ئۇرۇش ئاچقانىدى.