türkiye armiyesining aden qoltuqidiki wezipe ötesh mudditi uzartildi
türkiye armiyesining aden qoltuqi we we qoshna rayonlardiki wezipe ötesh mudditini 2024-yili 10-féwraldin bashlap yene bir yil uzartish toghrisidiki jumhur reislik mehkimisi ijazetnamisi türkiye büyük millet mejilisi (t b b m) de qobul qilindi.
2090144
türkiye awazi radiyosi xewiri: türkiye büyük millet mejilisi teripidin qobul qilinghan ijazetnamide, birleshken döletler teshkilati xewpsizlik kéngishining 2008-yili aden qoltuqi, somali déngiz teweliki, ereb déngizi we qoshna rayonlardiki déngiz qaraqchiliqi we qoralliq bulangchiliq weqelirige qarshi turush toghrisida qarar maqullighanliqigha isharet qilip ötüldi.
ijazetnamide, bu arqa körünüshte, türkiye büyük millet mejlisning 2009-yili 2-ayning 10-küni qarar maqullap, türkiye armiyesining mezkur rayonlarda bir yil wezipe ötüshige ruxset qilghanliqi, shuningdin buyan ijazetnamining 14 qétim uzartilghanliqi qeyt qilindi.
