döletning yuqiri derijilik rehberliri shéhit eskerlerge teziye bildürdi
iraqning shimalidiki herbiy herikiti rayonida yüz bergen térrorluq hujumida 9 esker shéhit boldi, 4 esker yarilandi.
2088217
türkiye awazi radiyosi xewiri: türkiye büyük milliy mejlisi (parlaménti) bashliqi numan qurtulmush teziye télégrammisi tarqitip, shéhit bolghan eskerlerge rehim-shepqet tilidi, ularning aile-tawabiatliri we tughqanlirigha teziye bildürdi؛ qurtulmush télégrammsiida: «dölitimiz wetinimizning mewjutluqi we xelqimizning bext-saaditi üchün jénini pida qilghan qehrimanlirimizning qénini yerde qoymaydu» dégen ibarilerge orun berdi.
muawin jumhur reis jewdet yilmazmu télégramma tarqitip, iraqning shimalidiki <penche-qulup> herbiy herikiti rayonida shéhit bolghan eskerlerge teziye bildürdi.
jumhur reislik mehkimisi uchur – alaqe ishliri idarisi bashliqi fahrettin altun teziye uchurida: biz barliq térrorluq teshkilatliri yiltizidin qurutup tashlanghuche kürishimizni qetiy irade bilen dawamlashturimiz, héchbir shéhitimizning qénini yerde qoymaymiz» dégen ibarilerge orun berdi.
«ewladlirimizning qéni yerde qalmidi we qalmaydu» dégen ichki ishlar ministiri eli yerlikaya: «biz bu satqunlardin qilmishlirining hésabini bir-birlep soraymiz» dédi.
edliye ministiri yilmaz tunch: «térrorluq teshkilatliri we ularning qollighuchiliri hergizmu özlirining nishani we meqsitige yételmeydu. söyümlük xelqimiz térrorluqqa hergiz bash egmeydu» dédi.
kabinét ezalirimu özlirining ijtimaiy alaqe supiliridiki adréslirida, türkiye bayriqining süretlirini hembehrilidi.
adalet we tereqqiyat partiyesi bayanatchisi ömer chelik mundaq dédi: «shéhitlirimizning makani jennet bolsun. biz wetinimizni her xil tehditlerdin qoghdash üchün, kürishimiz qetiy irade bilen dawam qilidu.»
büyük ittipaqliq partiyesi reisi mustapa destichimu xain hujumida hayatidin ayrilghan shéhitlerge allahtin rehim-shepqet tilidi.
