jumhur reis erdoghan qatarda
türkiye jumhur reisi rejep tayyip erdoghan qatar emiri sheyx temim bin hemed alsanining teklipige binaen türkiye – qatar istratégiyelik aliy hemkarliq komitétining 9 – nöwetlik yighinigha qatnishish üchün tünügün (4-dékabir) paytext dohagha yétip bardi.
türkiye awazi radiyosi xewiri: jumhur reis rejep tayyip erdoghan resmiy kütüwélish murasimidin kéyin, qatar emiri sheyx temim bin hemed alsani bilen ayrim körüshti.
uchrishishta, ikki rehber israiliyening ghezzediki pelestinliklerge yürgüzüwatqan qirghinchiliq, urush toxtitish, uzun muddetlik tinchliq ornitish tirishchanliqliri we ghezzege insanperwerlik yardem bérish mesililiri boyiche muzakire élip bardi.
jumhur reis erdoghan israiliyening urush jinayiti sadir qiliwatqanliqini, shunga choqum jawabkarliqqa tartilishi kéreklikini, buni xelqara jemiyetning qollishi, shundaqla qanuniy jehettin xizmet ishlinishining muhimliqini tekitlidi.
ikki rehber kéyinche 9-nöwetlik türkiye-qatar istratégiyelik aliy hemkarliq komitéti yighinigha qatnashti, yighindin kéyin, ikki dölet otturisidiki birleshme bayanname we 12 kélishimni imzalidi.
erdoghan kéyinche alsani teripidin sheripige bérilgen kechlik tamaq ziyapitige qatnashti.
jumhur reis erdoghan bügün (5-dékabir) qatar emiri sheyx temim bin hemed alsani nöwetchi reislik wezipisini ötewatqan pars qoltuqi hemkarliq kéngishining 44-nöwetlik bashliqlar yighinigha ishtirak qilidu.
