türkiye türk döletliri teshkilati hemkarliq künini tebriklidi
türkiye tashqi ishlar ministirliqi türk döletliri teshkilatining 14 - yilliq hemkarliq künini tebriklidi.
türkiye awazi radiyosi xewiri: türkiye jumhuriyiti tashqi ishlar ministirliqi teripidin bu heqte élan qilinghan yazma bayanatta, mundaq déyildi: «biz 1992-yili <türk tillirida sözlishidighan döletler bashliqlar yighini> süpitide ishqa kirishtürgen bu basquch, eza döletlerning küchlük iradisi hem ortaq tirishchanliqliri sayisida, bügünki künde bizning küchlük xelqaraliq teshkilatqa ige bolushimiz bilen xulasilendi.»
bayanatta, türk döletliri teshkilatining eza döletler arisidiki hemkarliqni téz tereqqiy qildurush, chongqurlashturush, küchini bir gewdileshtürüsh, xelqaraliq mesuliyetchan we rayonluq teshkilat süpitide tinchliq, shundaqla muqimliq üchün xizmet qilishni nishan qilidighanliqi otturigha qoyulup mundaq déyildi: «türkiye türk dunyasini téximu tereqqiy qildurush, türk tillirida sözlishidighan döletlerning hemkarliqini kücheytish üchün dawamliq xizmet ishleydu.»
bayanatta yene, enqerening türk döletliri teshkilatining qurulushigha asas yaritip nexchiwan kélishimi imzalanghanliqining 14 yilliqi munasiwiti bilen türk döletliri teshkilati hemkarliq künini chin dilidin tebrikleydighanliqi qeyt qilindi.
