türkiye shiwétsiyede erdoghangha qarshi sadir qilinghan ighwagerchilikni qattiq eyiblidi
türkiye shiwétsiyede sadir qilinghan jumhur reis rejep tayyip erdoghangha qarshi ighwagerchilikni eng küchlük shekilde eyiblidi.
türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip, türkiyening stokholmdiki elchixanisi etrapida ighwagerchilik qilmishlirining sadir qilinghanliqini uqturdi.
«biz jumhur reisimizgha qarshi sadir qilinghan qebih qilmishqa ruxset qilinishini küchlük shekilde eyibleymiz» déyilgen bayanatta: «shiwétsiyening saylanghan emeldarlirimizgha qarshi mezkur dölette sistémiliq shekilde dawamlashturuluwatqan haqaret xaraktérlik bu qilmishlarni we térrorluq teshkilatlirining teshwiqat paaliyetlirining aldini élishi türkiye jemiyitining asasliq ümididur» dégen ibarilerge orun bérildi.
shiwétsiyening stokholm shehiridiki türkiye elchixanisi aldida saqchilarning qoghdishi astida jumhur reis erdoghanning modélini köydürüsh ighwagerchiliki yüz berdi.
shiwétsiyening shimaliy atlantik ehdi teshkilati — natogha eza bolush musapisi dawam qiliwatqan bir peytte, buningdin burunmu nurghun jaylarda türkiye, türkiye bayriqi, jumhur reis erdoghan we quran kerimge hujum qilish qilmishliri sadir qilinghanidi.
