تۈركىيە ئىراققا تەزىيە بىلدۈردى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى تاشقى ئىشلار مىنىستىرلىقى تەرىپىدىن ئېلان قىلىنغان يازما باياناتتا، ئەنقەرەنىڭ تۈنۈگۈن كەچتە ئىراقنىڭ موسۇل ۋىلايىتىنىڭ ھەمدانىيە ناھىيەسىدە بىر توي – مەرىكە زالىدا ئوت ئاپىتى يۈز بېرىپ، 100 دىن ئارتۇق ئادەمنىڭ ھاياتىدىن ئايرىلغانلىقى، تەخمىنەن 500 كىشىنىڭ يارىلانغانلىقىدىن  تولىمۇ ئەپسۇسلانغان ھالدا خەۋەر تاپقانلىقى ئەسكەرتىلىپ مۇنداق دېيىلدى: « بۇ ئېچىنىشلىق ۋەقە سەۋەبىدىن ھاياتىدىن ئايرىلغانلارغا تەزىيە بىلدۈرىمىز، ئۇلارنىڭ ئۇرۇق - تۇغقانلىرىدىن ھال سورايمىز ۋە يارىلانغانلارغا شىپالىق تىلەيمىز.»