erdoghan amérikadiki soda - sanaetchiler bilen körüshti
dölitimiz (türkiye jumhuriyiti) jumhur reisi rejep tayyip erdoghan türkiyening xelqaraliq meblegh salghuchilar üchün daimiy bixeter port ikenlikini tekitlidi.
türkiye awazi radiyosi xewiri: jumhur reis rejep tayyip erdoghan amérika qoshma ishtatliridiki ziyaret pirogrammisining axirqi békitide soda - sanaetchiler bilen bir yerge jem boldi.
erdoghan türkiyening ottura mezgillik iqtisadiy pirogrammisining muhimliqini, iqtisadiy islahatning qetiy dwamlishidighanliqini bayan qildi.
jumhur reis erdoghan türkiye lirasining chet el puligha qarshi qimmitining kücheygenlikini qeyt qildi, maliyening muqimliqining muhimliqini tekitlidi, meblegh salghuchilarni türkiyege teklip qilip mundaq dédi: «türkiye siyasiy muqimliqi, aliy melumatliq emgek küchi, yash nopusi, keng dairilik ichki baziri, rayonluq bazarlardiki nopuzi, istratégiyelik orni, zamaniwi eshya oboroti ul esliheliri bilen xelqaraliq meblegh salghuchilarning bixeter panahgahi bolup kelmekte. rayondiki döletler bilen ornitiwatqan qoyuq diyalogning türtkiside dölitimizning istratégiyelik orni téximu mustehkemlenmekte.»
türkiyening diplomatiye siyasiti toghriliqmu toxtalghan jumhur reis erdoghan enqerening yawropa ittipaqigha eza bolush musapisidiki mejburiyitini dawamliq ada qilidighanliqini tekitlep mundaq dédi: «aldimizgha qoyuluwatqan tosalghular we 60 yildin buyan biz duch kéliwatqan naheqchiliklerge qarimay, biz yenila yawropa ittipaqigha toluq eza bolush nishanimizni saqlap kéliwatimiz.»
jumhur reis rejep tayyip erdoghan birleshken döletler teshkilatining 78 – nöwetlik omumiy kéngesh yighini dairisidiki uchrishishlirini tamamlighandin kéyin, amérika qoshma ishtatliridin ayrildi.
