türkiye soda ministiri bolat iraq pirézidénti reshid bilen körüshti

türkiye awazi radiyosi xewiri: bolat özining ijtimaiy taratqudiki adrésida soda dunyasi bayraqdarlirining wekilliri bilen birlikte élip barghan iraq ziyariti heqqide uchur berdi.

iraq ziyariti jeryanida, hemrahliqidiki wekiller ömiki bilen birlikte iraq pirézidénti reshid teripidin qobul qilghanliqini bildürgen bolat: «pirézidént reshid iraqni qayta qurush we güllendürüshte muhim rol oynighan shirketlirimizning iraqtiki yéngi türlerdimu rol oynishini xalaydighanliqini, türkiyening iraqning eng muhim shériklirining biri ikenlikini, shirketlirimizni iraqning barliq rayonlirida qollashni dawamlashturidighanliqini bildürdi. ziyaret jeryanida, iraq bilen bolghan sodimizni köp xillashturghan halda ashurush we shirketlirimizning iraqning höddigerlik türliride téximu köp orun élishigha kapaletlik qilinishining eng muhim nuqtilirimizning biri ikenlikini otturigha qoyduq» dégenlerni qeyt qildi.

bolat yene özlirining pirézidént reshidqa türkiye bilen iraqning téximu qoyuq shériklik munasiwiti ornitishi üchün dawamliq tirishidighanliqini bayan qilghanliqlirini bildürdi.

ministir bolat ziyariti dairisde, iraqning qurulush, olturaqlishish, sheherlik hökümetler we ammiwi ishlar ministiri bengin reqani bilenmu körüshti.