фидан фирансийә ташқи ишлар министири билән көрүшти

түркийә авази радийоси хәвири: түркийә ташқи ишлар министирлиқи фирансийә ташқи ишлар министириниң тәлипигә бинаән министир хақан фидан билән телефонда көрүшкәнлики тоғрисида байанат елан қилди.

көрүшүштә, хақан фиданниң шималий қибрис түрк җумһурийити һөкүмитиниң «пилә-йигитләр йоли лайиһәси» тоғрисида мунасивәтлик тәрәпләргә мәлумат бәргәнликини ейтқанлиқи билдүрүлди.

көрүшүштә йәнә, қарадеңиз ашлиқ каридори келишиминиңму музакирә қилинғанлиқи қәйт қилинди.

шималий қибрис түрк җумһурийити ташқи ишлар министирлиқи б д т ниң контроллуқи астида туруватқан йешил ленйә үстидики пилә йезисиға, шималий қибрис түрк җумһурийитидин қатнашниң асан болуши үчүн, пүтүнләй инсанпәрвәрлик сәвәби билән «пилә-йигитләр йоли лайиһәси» ниң тәййарланғанлиқини билдүргән иди.