фаһрәттин алтун түркийә-америка җәмийитиниң паалийитидә хәлққә хитаб қилди
җумһур рәислик мәһкимиси учур - алақә идариси башлиқи фаһрәттин алтун түркийә-америка җәмийитиниң мәдәнийәт мунасивәтлиридә муһим көврүклүк рол ойнаватқанлиқини ейтти.
түркийә авази радийоси хәвири: фаһрәттин алтун американиң нйу-йорк шәһиридә өткүзүлгән «41 - нөвәтлик түркийә күни йүриши» мунасивити билән мадисон мәйдани бағчисидики түркийә-америка җәмийити палийитидә хәлққә синлиқ улиниш арқилиқ хитаб қилди.
фаһрәттин алтун 80 йилдин буйан мәвҗут болуп келиватқан шундақла күндин-күнгә тәсири күчийиватқан американиң күчлүк вә динамик бир парчисиға айланған түркийә-америка җәмийитиниң түркийә-америка мәдәнийәт мунасивәтлиридә муһим көврүклүк рол ойнаватқанлиқини билдүрди.
фаһрәттин алтун түркийә-америка җәмийитиниң «түркийә дөлитиниң вәкили вә дипломат пуқралири» дәп қарилидиғанлиқини әскәртип: «биз силәрниң америкадики аммиви тәшкилатлар ичидиму актип рол ойнишиңларни вә әшу җәмийәтниң үнүмлүк бир парчисиға айлинишиңларни һәр вақит қоллаймиз» деди.
фаһрәттин алтун тинчлиқ, демократийә вә параванлиқ җәһәттә ортақ көз қарашқа игә , тәхминән 70 йилға йеқин иттипақдашлиқ мунасивити болған икки дөләтниң сийасәт, иқтисад вә мәдәнийәт җәһәттә техиму йеқин мунасивәт орнитишниң түркийә-америкахәлқлириниң төһписи билән мумкин болидиғанлиқини тәкитлиди.
фаһрәттин алтун йәнә, америка мәсуллиридин мусулман вә түрк җамаитигә қарита өчмәнлик қилиш һәрикәтлиригә қарши күчлүк тәдбирләрни йолға қойушни үмид қилидиғанлиқини уқтурди.
