haqan fidan daniyelik mensepdishi bilen körüshti
tashqi ishlar ministiri haqan fidan daniyede dawamlishiwatqan we izchilliqa ige bolghan quran kerimge qarshi rezil hujumlarni yene bir qétim eyiblidi.
2017693
türkiye awazi radyosi xewiri: haqan fidan daniyelik mensepdishi lars lokké rasmussén bilen téléfonda körüshti.
ministir haqan fidan söhbette daniyede quran kerimge qarshi élip bériliwatqan we izchilliqa ige bolghan rezil hujumlarni eyibleydighanliqini qayta tekitlidi. yawropada islamgha öchmenlik qilishning kishini chöchütidighan derijige yetkenlikini tekitlep: «pikir erkinliki namida bundaq peskesh heriketlerge yol qoyushni qobul qilghili bolmaydu» dédi.
ministir haqan fidan yene, daniye hökümitining derhal tedbir qollinip bu hujumlarning aldini élishi kéreklikini tekitlidi.