ministir kachir: qatar emiri al sani «togg»ni yaqturdi
türkiye jumhuriyiti sanaet we téxnika ministiri mehmet fatih kachir qatar emiri sheyx temim bin hemed al sanining türkiyening yerlik aptomobili «togg»qa bolghan qiziqishining körüshke erziydighanliqini éytti.
türkiye awazi radiyosi xewiri: jumhur reis rejep tayyip erdoghanning pars qoltuqi döletliri ziyaritige hemrah boluwatqan ömektin orun alghan ministir kachir özining tiwittérdiki adrésida, erdoghanning qatar emiri al sanigha togg sowgha qilghan körünüshlirini hembehrilidi.
toggning al sanining qiziqishini qozghighanliqini bildürgen kachir: «qatar emiri sheyx temim bin hemed al sani bilen jumhur reisimiz toggni birlikte sinaq qildi. hörmetlik emirning toggqa bolghan qiziqishi körüshke erziytti. hörmetlik jumhur reisimizning iltipati bilen dost döletlerge sowgha qilinghan togg, dölitimizning iptixar menbesi bolushni dawamlashturidu» dégenlerni qeyt qildi.
jumhur reis erdoghan pars qoltuqi döletliri ziyariti dairiside barghan qatarda emir al sani bilen lusail sariyida ayrim söhbetleshkendin kéyin, heyetler ara uchrishishqa qatnashqan؛ yighindin ilgiri, erdoghan al sanigha kök renglik togg aptomobildin birni sowgha qilghanidi.
ikki rehber lusayil sariyining hoylisida xéli uzunghiche aptomobilni yéqindin körüp chiqqan؛ erdoghan ayrim uchrishish ötküzülgen binagha al sani heydigen togg aptomobili bilen barghanidi.
