türkiye shiwiyétsariyening zurix shehiridiki ighwagerchilik qilmishigha qattiq naraziliq bildürdi

türkiye awazi radiyosi xewiri: jumhur reislik mehkimisi uchur – alaqe ishliri idarisi  shiwiyétsariyening zurix shehiride dölitimiz (türkiye jumhuriyiti) jumhur reisi rejep tayyip erdoghangha qaritilghan ighwagerchilik heriketliri sewebidin, ammiwi ortaqlishish tor bétidiki sehipiside bayanat élan qildi.

bayanatta, jumhur reis rejep tayyip erdoghan we türkiye bayriqi nishan qilinghan ighwagerchilik heriketliri qattiq eyiblendi, bu  hujumni hergizmu qobul qilghili bolmaydighanliqi tekitlendi.

bayanatta, shiwiyétsariyedin bu weqeni derhal tekshürüshke bashlishi, weqe sadir qilghuchilarni éniqlap chiqishi we zörür tedbirlerni qollinishi telep qilinip mundaq déyildi: «munasiwetlik organlirimiz, bolupmu tashqi ishlar ministirliqimiz arqiliq bu weqeni dawamliq közitimiz. shiwiyétsariyening bundaq betbeshire hujumlargha we térrorluq teshkilatliirning tetür teshwiqatlirini öz ichige alghan ighwagerchilik heriketlirige yol qoymasliqini ümid qilimiz.»