түркийә миллий истихбарат идариси п к к ға әҗәллик зәрбә бәрди

түркийә авази радийоси хәвири: тутуш буйруқи чиқирилған террочилар тизимликиниң күлрәң категорийәсигә киргүзүлгән  бөлгүнчи террорлуқ тәшкилати п к к/к җ к әзаси фәһми өгмән вә башқа икки террорчи  бир тәрәп қилинди.

түркийә миллий истихбарат идариси ирақниң сулайманийә шәһириниң чәмчәмал йезисида бөлгүнчи террорлуқ тәшкилати п к к ға қарши һәрбий һәрикәт елип барди.

түркийә миллий истихбарат идариси алди билән бөлгүнчи террорлуқ тәшкилати п к к ниң каттибашлирини, уларниң қурған йәрлик ахбарат торини тәқиб қилди, андин саһәдики хадимлириниң васитиси арқилиқ бөлгүнчи террорлуқ тәшкилати п к к әзалириниң мәхпий бир районни ишлитиватқанлиқини ениқлап чиқти. җүмлидин, тутуш буйруқи чиқирилған террочилар тизимликиниң күлрәң категорийәсигә киргүзүлгән  бөлгүнчи террорлуқ тәшкилати п к к/к җ к әзаси фәһми өгмәнниң бу районда икәнликини ениқлап чиқти.

арқидин, 1993 – йили бөлгүнчи террорлуқ тәшкилати п к к ниң сепигә қетилған, узун йиллар террорлуқ паалийәтлирини елип барған,  түркийәдики нурғун террорлуқ һуҗумлирини биваситә тәшкиллигән террорлуқ тәшкилатиниң аталмиш каттибашлиридин  фәһми өгмәнгә қарши һәрикәткә өтүлди.

һәрбий һәрикәт давамида, фәһми өгмән билән бирликтә бөлгүнчи террорлуқ тәшкилати п к к ниң аталмиш ​​баталийон офитсери мәһмәт салиһ чақал вә уларниң шопури әһмәд муһәммәд әлиму  бир тәрәп қилинди.