chawushoghlu: «türkiye sehiye xizmetliride dunya boyiche ülge döletke aylandi»
tashqi ishlar ministiri mewlut chawushoghlu türkiyening qilghan xizmetliri bilen emdilikte sehiye sahesi boyiche dunyagha ülge döletke aylanghanliqini éytti.
türkiye awazi radiyosi xewiri: chawushoghlu antalyaning konyaalti nahiyeside qurulmaqchi bolghan dölet doxturxanisining ul sélish murasimida sözligen tunuqida: «qilghan xizmetlirimiz bilen emdilikte türkiye sehiye saheside dunya boyiche ülge döletke aylandi» dédi.
chawushoghlu dunya sehiye teshkilatining 15 we 16 yildin buyan türkiyening sehiye sistémisini dunyagha ülge körsitiwatqanliqini tilgha aldi. türkiyening dunyadiki her qaysi sahelerdikige oxshash sehiye sahesidimu aldinqi qatarda turidighan döletlerning biri ikenlikini eskertip, insanlarning héchqandaq ayrimchiliqqa uchrimastin birinchi derijilik mulazimettin behriman boluwatqanliqini éytti.
chawushoghlu chet ellerde késel yaki yarilanghan puqralarni memliketke élip kélip dawalinishini ishqa ashuriwatqanliqinimu eskertip, dawalinish üchün türkiyeni tallighan chet elliklernimu döletke élip kelgenlikini bildürdi.
chawushoghlu türkiyening sehiye, muressechilik we yötkesh saheside marka döletke aylanghanliqini eskertip, «biz sudanda nurghun oxshimighan dölet puqralirini tarqaqlashturmaqtimiz. shimaliy qibris türk jumhuriyitidin kelgen qérindashlirimiz bar idi. inshaallah ularni shu yerdiki doxturlirimiz bilen birlikte tarqaqlashturimiz. héchkishini arqida qoyup qoymaymiz» dédi.
chawushoghlu türkiyening sehiye sayahitidimu intayin yaxshi orungha ige ikenlikini , bolupmu yer shari xaraktérliq yuqumdin kéyin, türkiyening sehiye sahesidiki yoshurun küchining téximu yaxshi namayan bolghanliqini, ereb we paris qoltuqi döletliriningmu késellirini türkiyege ewetishke bashlighanliqini éytti.
