chawushoghlu: sudandiki terepler bilen körüshtuq
dölitimiz (türkiye jumhuriyiti) diplomatiye ministiri mewlut chawushoghlu sudandiki toqunushni toxtitish üchün terepler bilen körüshkenliklirini éytti.
türkiye awazi radiyosi xewiri: mewlut chawushoghlu antalyaning manawgat nahiyeside bergen bayanatida, sudandiki armiye bilen téz yardem bérish küchliri otturisidiki toqunushlar heqqide toxtalghanda, «her ikki terep bizning qérindishimiz bolidu, undaqta némishqa bir terepnila qollighudekmiz?» dédi.
tashqi ishlar ministiri mewlut chawushoghlu sudandiki toqunushni toxtitish üchün her ikki terep bilen körüshkenliklirini, bügün urush toxtitish éhtimalliqining barliqini bayan qildi.
rayondiki türkiye puqralirini özliri turuwatqan jayda taki urush toxtighangha qeder turushini, yémek - ichmek qatarliq éhtiyajliri bolsa türkiye elchixanisigha melum qilishini telep qildi.
chawushoghlu hawa sahesi échilghandin kéyin qaytishni xalaydighan türkiye puqralirini élip kélidighanliqlirini qeyt qildi.
ministir chawushoghlu yawropa döletlirini öz ichige alghan nurghun döletlerning puqralirini sudandin élip kétish üchün türkiyedin yardem sorighanliqini, chünki türkiyening ishenchlik dölet ikenlikini tekitlidi.
u dunyada küch riqabetlirining otturigha chiqiwatqanliqini, yawropa ittipaqining nishanidin adashqanliqini, birleshken döletler teshkilatining yéterlik emeslikini tekitlidi, hemde bundaq dewrde türkiye qatarliq muhim döletlerge éhtiyaj barliqini bayan qildi.
