йәр тәврәштә қаза қилғанлар сани 47 миң 932 гә йәтти

түркийә авази радийоси хәвири: түркийә җумһурийити ички ишлар министири сүләйман сойлу қаһраманмарашни мәркәз қилған йәр тәврәшләрдә қаза қилғанлар саниниң 47 миң 932 гә йәткәнликини, буларниң 6265 нәпириниң чәт әл пуқраси икәнликини билдүрди.

ички ишлар министири сүләйман сойлу түнүгүн чақирилған малатйа апәт вә җиддий ишларға тақабил туруш идарисиниң йиғинидин кейин байанат берип: «һазирғичә 47 миң 932 кишиниң қаза қилғанлиқи тизимға елинди. буларниң 6265 нәпири чәт әл пуқраси болуп, булар сүрийәни өз ичигә алған башқа дөләтләрниң пуқралири. нөвәттә DNA си вә бармақ изи елинған 1619 кишиниң кимликини ениқлаш хизмәтлири давамлишиватиду» дегәнләрни қәйт қилди.