dunya sehiye teshkilati bash diréktori ghaziantepni ziyaret qildi

türkiye awazi radiyosi xewiri: gébréyésus 6 – féwralda meydangha kélip 11 wilayetke tesir körsetken yer tewreshlerdin kéyin, türkiye xelqi bilen hemnepes ikenlikini namayan qilish, sehiye xadimliri, xizmetchiler we yer tewreshning zerbisige uchrighanlar bilen körüshüsh meqsitide tünügün (27-féwral) ghaziantepke yétip keldi.

gébréyésus dunya sehiye teshkilati  yawro rayoni bash diréktori xens klogéning hemrahliqida bügün xatayning qiriqxan nahiyesidiki bélgiye teripidin tesis qilinghan dala doxturxanisini ziyaret qilip, sehiye xadimliri bilen körüshti we u yerde söz qilip: «döletlik dawalash qutquzush etritining yéqindin hemkarlishishi manga chongqur tesir qaldurdi» dédi.

tiwittérdiki adrésida ziyaritige munasiwetlik sin körünüshi we süretlerni hembehirligen  gébréyésus, türkiye sehiye ministirliqining maslashturghuchisi doktor esra pachajidin melumat éliwatqan süretke qisturma qilip, «bu éghir kiriziste birlikte xizmet qilghan barliq mutexessislerge rehmet» dep yazdi.