ئىزمىر دېڭىز تەۋەلىكىدە سەككىز نەپەر قانۇنسىز كۆچمەن تىك ئۇچار بىلەن قۇتقۇزۇۋېلىندى

تۈركىيە ئاۋازى رادىيوسى خەۋىرى: تۈركىيە دېڭىز قىرغىقى مۇھاپىزەت ئەترىتى قوماندانلىق ئورگىنىنىڭ تور بېتىدىكى باياناتقا ئاساسلانغاندا، قارادا ئارىلىدا بىر تۈركۈم قانۇنسىز كۆچمەنلەرنىڭ بارلىقى توغرىسىدىكى ئۇچۇرغا ئاساسەن، دېڭىز قىرغىقى مۇھاپىزەت ئەترىتى بىر تىك ئۇچار ئايروپىلاننى رايونغا ۋەزىپىگە ئەۋەتكەن.

خادىملار گىرېتسىيە قىسىملىرى تەرىپىدىن ئىتتىرىۋېتىلگەن ۋە ئۆز ئىمكانىيەتلىرىگە تايىنىپ قارادا ئارىلىغا يېتىپ كېلىپ، قاپسېلىپ قالغانلىقى ئېنىقلانغان سەككىز نەپەر قانۇنسىز كۆچمەننى تىك ئۇچار ئايروپىلان بىلەن قۇتقۇزۇۋالغان.