чәт әлләрдин әрдоғанға һал сораш телефонлири үзүлмәй кәлмәктә

түркийә авази радийоси хәвири: җумһур рәислик учур - алақә идарисиниң байанатиға асасланғанда,йавропа иттипақи комитети рәиси фондер лейен билән йавропа кеңиши рәиси чарлиз мишел йәр тәвәрштә җенидин айрилғанларға тәзийә билдүрүп, йариланғанларниң саламәтликиниң балдуррақ әслигә келишини тилигән.

байанатта йәнә, йәр тәврәш мунасиви билән алҗирийә пирезиденти абдулмәҗид тәббун, гвинийә-биссав пирезиденти умаро сискоко ембало, сенегал пирезиденти маки салл, сири ланка пирезиденти ранил викремесиңхе, қирғизистан пирезиденти садир җапаров, ирақ пирезиденти абдуллатиф рәшид, ирақ баш министири муһәммәд шийа әссудани вә суданниң мустәқиллиқ кеңиши рәиси абдулфәттаһ әл бурһанниңму җумһур рәис әрдоғанға телефон қилип, җенидин айрилғанларға тәзийә билдүргәнлики, йариланғанларниң саламәтликиниң балдуррақ әслигә келиши үчүн шипалиқ тилигәнлики билдүрүлди.

ирақ күрт (корд) районлуқ һөкүмитиниң сабиқ пирезиденти мәсут барзаниниңму әрдоғанға телефон қилип, йәр тәврәшкә алақидар тиләклирини йәткүзгәнлики уқтурулди.

қаһраманмарашта алдинқи һәптә йүз бәргән вә 10 вилайәткә еғир тәсир көрсәткән 7.7 вә 7.6 бал йәр тәврәштә миңлиған киши җенидин айрилди. мәзкур апәт «бу әсирниң әң чоң апәт» дәп аталди.