قاتار ئەمىرى تۈركىيەنى زىيارەت قىلىدۇ
قاتار ئەمىرى شەيخ ئالسانى تۈركىيە جۇمھۇر رەئىسى رەجەپ تاييىپ ئەردوغاننىڭ تەكلىپىگە بىنائەن بۈگۈن (2022-يىلى 14-ئۆكتەبىر) تۈركىيەگە كېلىدۇ.
1892819
تۈركىيە ئاۋازى رادىيوسى خەۋىرى: تۈركىيە جۇمھۇر رەئىسلىك مەھكىمىسى ئۇچۇر-ئالاقە ئىدارىسى قاتار ئەمىرى شەيخ ئالسانىنىڭ رەسمىي زىيارەت ئۈچۈن تۈركىيەگە كېلىدىغانلىقى توغرىسىدا بايانات ئېلان قىلدى.
باياناتتا بىلدۈرۈلىشىچە، زىيارەت رامكىسىدا تۈركىيە-قاتار ئالىي ئىستراتېگىيەلىك كومىتېتىنىڭ 8-قېتىملىق يىغىنى، رەجەپ تاييىپ ئەردوغان ۋە ئالسانىنىڭ قاتنىشىشى ئاستىدا ئىستانبۇلدا ئۆتكۈزۈلىدىكەن.
مۇناسىۋەتلىك مىنىستىرلارمۇ قاتنىشىدىغان ئىستراتېگىيەلىك كومىتېت يىغىنىدا، تۈركىيە-قاتار مۇناسىۋەتلىرى بارلىق تەرەپلىرى بىلەن كۆزدىن كەچۈرۈلىدىكەن ۋە ئىككى تەرەپ مۇناسىۋەتلىرىنى تېخىمۇ چوڭقۇرلاشتۇرۇپ تەرەققىي قىلدۇرۇش ئۈچۈن بېسىلىدىغان قەدەملەر مۇزاكىرە قىلىنىدىكەن.
ئۇچرىشىشلاردا، ئىستراتېگىيەلىك شېرىك دۆلەتلەر بولغان قاتار-تۈركىيە مۇناسىۋەتلىرىدىن باشقا، رايون ۋەزىيىتى ۋە خەلقئارالىق ۋەزىيەت ھەققىدە ئۆزئارا پىكىر ئالماشتۇرۇلىدىكەن.
مۇناسىۋەتلىك خەۋەرلەر
گىرېتسىيە باش مىنىستىرى كىرىياكوس مىتسوتاكىس ئەتە تۈركىيەگە يېتىپ كېلىدۇ
جۇمھۇر رەئىس رەجەپ تاييىپ ئەردوغان پايتەخت ئەنقەرەدە مىتسوتاكىسنىڭ زىيارىتىنى قوبۇل قىلىدۇ.