jumhur reis erdoghan girétsiyeni qattiq agahlandurdi
birleshken döletler teshkilati (b d t), rusiye hökümitining ukrainagha qarshi seperwerlik élanigha naraziliq bildürgenlerning nazaret astigha élinishigha naraziliq bildürdi.
türkiye awazi radiyosi xewiri: b d t kishilik hoquq aliy komissari bayanatchisi rawina shamdasani b d t jenwe ishxanisining heptilik muxbirlarni kütüwélish yighinidiki sözi jeryanida, rusiyede yéqinqi bir heptidin buyan dawamlishiwatqan seperwerlik élanigha qarshi namayishlar toghrisida toxtilip, namayishlar bashlanghan 21 - séntebirdin buyan 2377 namayishchining qolgha élinghanliqini, nazaret astidikilerning heqiqiy sanining éniq emeslikini tekitlidi.
yéqinqi üch kündin buyan daghistan aptonom jumhuriyitidimu namayishlarning dawamlishiwatqanliqini bildürgen shemdasani, paytext maxachqelede namayishchilar bilen saqchilar otturisida toqunush yüz bergenlikini, toqunush jeryanida nechche on kishining qolgha nazaret astigha élinghanliqini eskertti.
u, tinch namayish ötküzüsh we pikir erkinlikining kishilik hoquq ikenlikige isharet qilip, dairilerni xalighanche qolgha élinghan namayishchilarni derhal qoyup bérishke chaqirdi.
rusiye pirézidénti wiladimir putin 21-séntebir ukrainagha qarshi urushqa bérilidighan herbiy yardemni kücheytish üchün qismen seperwerlik élan qilghanidi.
