ئانتالياغا كېلىۋاتقان ساياھەتچىلەر سانىدا ئېشىش كۆرۈلدى
قۇياش نۇرى، دېڭىز ساھىللىرىدىن سىرت يەنە، تارىخىي ۋە تەبىئىي گۈزەللىكلىرى بىلەن دۇنيانىڭ ھەرقايسى جايلىرىدىن ساياھەتچىلەرنى ئۆزىگە جەلپ قىلىۋاتقان ئانتاليا، بۇ يىلنىڭ دەسلەپكى 8 يېرىم ئېيى ئىچىدە 10 مىليون 60 مىڭ 739 ساياھەتچىنى كۈتۈۋالدى.
تۈركىيە ئاۋازى رادىيوسى خەۋىرى: كۈتۈۋالغان چەت ئەللىك مېھمان سانىغا ئاساسەن «ساياھەت پايتەختى» دەپ تەرىپلىنىدىغان بۇ شەھەردە ساياھەت پائالىيەتلىرى داۋاملاشماقتا.
يەر شارىۋى «كوۋىد – 19» يۇقۇمىدىن كېيىن، ساياھەت ساھەسى ئەڭ ئاۋات پەسىلنى باشتىن كەچۈرمەكتە.
بۇ يىل 1 – يانۋاردىن 11 – سېنتەبىرگىچە بولغان ئارىلىقتا ھاۋا يوللىرى ئارقىلىق ئانتالياغا كەلگەن چەت ئەللىك ساياھەتچىلەرنىڭ سانى 10 مىليون 60 مىڭ 739 گە يەتتى.
ئانتاليا، ئالدىنقى يىلى ئوخشاش مەزگىلدە 6 مىليون 151 مىڭ 948 چەت ئەللىك ساياھەتچىنى كۈتۈۋالغانىدى. ساياھەتچىلەر سانىدا، بۇ يىل بۇلتۇرنىڭ ئوخشاش مەزگىلىگە سېلىشتۇرغاندا % 64 لىك ئېشىش كۆرۈلدى.
ئەڭ كۆپ ساياھەتچى كەلگەن دۆلەتلەر، نۆۋەت بىلەن گېرمانىيە، رۇسىيە ۋە ئەنگلىيە بولدى.
مۇناسىۋەتلىك خەۋەرلەر
گىرېتسىيە باش مىنىستىرى كىرىياكوس مىتسوتاكىس ئەتە تۈركىيەگە يېتىپ كېلىدۇ
جۇمھۇر رەئىس رەجەپ تاييىپ ئەردوغان پايتەخت ئەنقەرەدە مىتسوتاكىسنىڭ زىيارىتىنى قوبۇل قىلىدۇ.