chawushoghlu bayramow bilen téléfonlashti
dölitimiz (türkiye jumhuriyiti) tashqi ishlar ministiri mewlüt chawushoghlu ezerbeyjan tashqi ishlar ministiri jeyhun bayramow bilen téléfonda körüshti.
türkiye awazi radiyosi xewiri: chawushoghlu, ammiwi ortaqlishish tor béti Twitter sehipiside élan qilghan bayanatida, ezerbeyjan tashqi ishlar ministiri jeyhun bayramow bilen élip barghan téléfon söhbitide, ezerbeyjan – erméniye chégrasidiki «ermenlerning ighwagerchilikliri» heqqide muzakire élip barghanliqlirini tekitlep mundaq dédi: «erméniye emdi qutratquluq qilishni toxtitishi kérek. ezerbeyjan bilen yarishish ramkisi ichide tinchliq söhbiti we hemkarliqqa ehmiyet bérishi lazim.»
ezerbeyjan – erméniye chégrasida, ikki dölet qisimliri otturisida qoyuq toqunushlar bashlanghanidi.
ezerbeyjan dölet mudapie ministirliqi, erméniye armiyesining tünügün kech tereplerde chégra liniyesining dashkesen, kelbejer we lachin yönilishliride keng dairilik ighwagerchilik qilghanliqini uqturghanidi.