ataqliq kino cholpini russél krow türkiyege medhiye oqudi
oskar mukapatigha érishken ataqliq yéngi zélandiye cholpini, filim ishligüchi we muzikant russél krow mestanilirigha türkiyeni ziyaret qilish chaqiriqida boldi.
türkiye awazi radiyosi xewiri: «gladiator» filimide alghan obrazliq roli bilen oskar mukapatigha érishken russél krow, türkiyege teklip qilghan bir tiwittér abontiigha qayturghan jawabida, türkiyeni medhiyelep yuqiri baha berdi.
krow özining türkiyeni bek yaxshi köridighanliqini tekitlep: «némidégen kishini meptun qilarliq güzel bir dölet, eger siz ilgiri türkiyege bérip baqmighan bolsingiz, choqum pilan tüzüshingiz kérek» dégen sözlerni ishletti.
ataqliq cholpanning hembehirligen uchuri nurghun tordashlarning yaqturushigha we ortaqlishishigha érishti.
ataqliq cholpan russél krow chanaqqele urushi mezmun qilinghan we dunyaning herqaysi jaylirida qoyulghan "The Water Diviner" «su ilahi» namliq filimning singha élinishi jeryanida bir mezgil türkiyede turghan idi.
türkchige «axirqi ümid» dep terjime qilinghan bu filimde russél krow, üch oghlini chanaqqelege ewetken we urushtin töt yil kéyin oghullirini izdesh üchün türkiyege kelgen awistiraliyelik dadining rolini alghan idi.
