andérson: türkiye bilen jinayetchilerni ötküzüp bérish mesiliside qoyuq diyalog ornitimiz

türkiye awazi radiyosi xewiri: shiwétsiye bash ministiri andérson türkiye, shiwétsiye we finlandiye teripidin bügün etigende (29-iyun) ispaniye paytexti madridta imzalanghan üch terep ehdinamisidin kéyin finlandiye dölet téléwiziyesi «YLE» gha bayanat berdi.

u: «türkiye bilen jinayetchilerni ötküzüp bérish mesiliside qoyuq diyalog ornitimiz. térrorluqqa qarshi qandaq küresh qilidighanliqimizni xelqara qanun dairiside söhbetliship chüshendürimiz» dédi.

u: «bu jeryanda kim téximu köp yol qoydi?» dégen soalgha jawab bérishni ret qildi.

bu jeryanda, bölgünchi térrorluq teshkilati p k k/ y p g ning qollighuchisi, musteqil parlamént ezasi aminah kakabawéh türkiye bilen üch terep ehdinamisini imzalanghanliqigha qarita, «bu bizge nisbeten zulmetlik bir kün» dep baha berdi we özining parlaméntta shiwétsiye tashqi ishlar ministiri en lindégha naraziliq soal mektubi tapshurushqa tirishidighanliqini éytti.

térrorluq teshkilati p k k/ y p g ning qollighuchisi aminah kakabawéh <TV4> téléwiziye qaniligha bayanat bayanat bérip, lindagha qarita naraziliq soal mektubi tapshurush üchün parlaméntta 35 parlamént ezasining imzasi kéreklikini we bu toghrida heriket qilidighan 35 parlamént ezasiningmu parlaméntta barliqini éytti.