«yawropadiki nurghun layihelerde türkiye höddigerlirining töhpisi bar»
qatnash we ul eslihe ministiri adil qaraismailoghlu yawropadiki nurghun layihelerde türkiye höddigerlirining töhpisi barliqini éytti.
türkiye awazi radiyosi xewiri: qaraismailoghlu, slowéniyening kopér shehiride ötküzülgen «mlinarji tonélini birleshtürüsh murasimi» da qilghan sözide, eshya oboroti jehettin derijidin tashqiri chong döletke aylinish yolida künséri algha ilgirilewatqan türkiyening, ottura karidordiki asiya bilen yawropa otturisidiki küchlük qoshumche eshya oboroti we ishlepchiqirish bazisigha aylinish arqiliq muhim mesuliyetni üstige alghanliqini eskertish bilen bir waqitta, türkiyening höddigerlikni öz ichige alghan xizmetler saheside tereqqiy qilghan ul eslihe we tejribige ige ikenlikini tekitlep mundaq dédi: «dölitimiz bolupmu 2003-yildin buyan soda paaliyetlirining dairisini tedrijiy kéngeytti. bu mezgilde 131 dölette qimmiti 450 milyard dollardin ashidighan 11 mingdin artuq layiheni öz üstige aldi. türkiye höddigerlik shirketlirimiz yawropada tashyol, tonél, köwrük we tömür yol qatarliq 200 ge yéqin ul eslihe layihesini üstige aldi.»
slowéniyediki nurghun layihelerde türkiye höddigerlirining töhpisi barliqini eskertken qaraismailoghlu, slowéniye bilen qurulghan hemkarliqning döletler we xelqlerning parlaq kélechiki üchün intayin qimmetlik ikenlikinimu sözlirige ilawe qildi.
