chawushoghlu: girétsiye qanunlargha xilapliq qiliwerse, arallarning igilik hoquqi detalash qilinidu

türkiye awazi radiyosi xewiri: türkiye jumhuriyiti tashqi ishlar ministiri mewlüt chawushoghlu, girétsiyening xelqaraliq kélishimlerge xilapliq qilip, arallarni qorallandurghanliqini otturigha qoyup: «girétsiye bu xil xilapliq qilish qilmishliridin waz kechmise, bu arallarning igilik hoquqi detalash qilinidu» dédi.

ministir mewlüt chawushoghlu xizmet ziyariti munasiwiti bilen paytext enqerege kelgen shimaliy makédoniye tashqi ishlar ministiri bujar osmani bilen qoshma muxbirlarni kütüwélish yighini ötküzdi.

ministir chawushoghlu yighinda söz qilip: «xelqara munasiwetlerde égiz – peslikler, sürkilishler, dostluqlar bolidu, bular tebiiy ishlar. emma, girétsiye chüshüp qalghan weziyet kishining ichini échishturidu. (ular) bir ishni nahayiti yaxshi qilalaydu؛ herqanche heqsiz bolsimu, özlirining qanchilik heqliq ikenlikini otturigha qoyush we yighlash jehette heqiqeten yaxshi. yüzmuyüz kelgende qochaqlaydu, arqingizni qilsingizla nepret, öchmenlik, yalghan we töhmet... bular siyasetchilerge we döletlerge yarishidighan ishlar emes.

girétsiye bizning yazghan mektuplirimizgha ademdek jawab qaytursun. qoralsizlandurulghan arallarning salahiyitige buzghunchiliq qilmighanliqini désun. (belgilimilerge) xilapliq qilishqa xatime bermeydighan bolsa, arallarning igilik hoquqi detalash qilinidu» dégenlerni qeyt qildi.