chawushoghlu éfiyopiye, qatar we angola tashqi ishlar ministirliri bilen téléfonlashti

türkiye awazi radiyosi xewiri: dölitimiz (türkiye jumhuriyiti) tashqi ishlar ministiri mewlüt chawushoghlu (tünügün) éfiyopiye tashqi ishlar ministiri déméké mékonnén bilen téléfonlashti.

türkiye jumhuriyiti tashqi ishlar ministirliqidin igilinishiche, ikki ministir téléfonliship, ikki dölet munasiwetliri we rayondiki eng yéngi özgirishler toghrisida pikir almashturghan.

tigray xelq azadliq fironti qozghilangchilirining 2020 – yilining axirida merkizi hökümetke qarshi qozghilang kötürüshi bilen éfiyopiyede ichki urush partlighanidi.

armiye bilen qozghilangchilar otturisidiki toqunush sewebidin yüzminglighan kishi öy- makanliridin ayrilishqa mejbur bolghan, minglighan kishi hayatidin ayrilghanidi.

qozghilangchilarning paytext eddis ebébege yéqinlishishidin kéyin, 2021 – yili 12 - ayda keng kölemlik hawadin zerbe bérish herikiti qozghighan éfiyopiye armiyesi, tigray xelq azadliq fironti qozghilangchilirini chékinishke mejburlighanidi.

ministir chawushoghluning yene qatarning muawin bash ministiri, qoshumche tashqi ishlar ministiri sheyx muhemmed bin abdurrahman al sani we angola tashqi ishlar ministiri tété antonio bilenmu ayrim – ayrim halda téléfonlashqanliqi bildürüldi, emma téléfon söhbetlirining mezmuni toghrisida melumat bérilmidi.