qalin: türkiye-amérika otturisida ortaq mixanizm ornitish yolida tunji qedem tashlandi

türkiye awazi radiyosi xewiri: chikago ishtatida asasliq musulman teshkilatliri teripidin ötküzülgen 20-nöwetlik «MAS-ICNA yilliq qurultiyi» gha qatnishish üchün amérika qoshma ishtatlirigha ketken qalin, anadolu agéntliqining soallirigha jawab bergende, ikki dölet munasiwetliri heqqide toxtilip, türkiye – amérika munasiwetlirige kölengge chüshürüwatqan amillarning, amérika hökümitining bölgünchi térrorluq teshkilati p k k ning süriyediki gumashtisi y p g we p y d ge yardem bérishi, türkiye rusiyedin sétiwalghan «s - 400 » bashqurulidighan bomba hawa mudapiesi sistémisi tüpeyli türkiyege heqsiz rewishte yürgüzülüwatqan  «amérikaning düshmenlirige émbargo arqiliq  küresh qilish qanuni» émbargoliri we bu dairide « F-35» tipliq urush ayropilanliri pirogrammisidin türkiyening chiqiriwétilishi, amérika qoshma ishtatliridiki fethullahchi térrorluq teshkilati unsurlirining paaliyetliri heqqide enqereni qayil qilalighudek ijabiy qedemlerning tashlanmasliqi ikenlikini éytti.

enqerening, türkiyening dölet menpeetliri nezerde tutulidighan siyaset basquchining yolgha qoyulushini kütüwatqanliqini tekitligen qalin, jumhur reis rejep tayyip erdoghan bilen amérika qoshma ishtatliri pirézidénti jo baydinning, italiyening paytexti rimda chaqirilghan 20 dölet guruhi bashliqlar yighini jeryanida körüshkende, ikki dölet munasiwetlirige alaqidar mesililer muzakiriler qilinidighan bir mixanizmning ornitilishi mesiliside ortaq tonush hasil qilghanliqini eskertti, hemde mixanizm ornitilishi we yolgha  qoyulushi heqqide, türkiye tashqi ishlar ministirliqining washingtongha mektup yollighanliqini qeyt qilip mundaq dédi: «biz bu munasiwetlerni özara menpeet yetküzüsh we hörmet qilish hem hoquqta barawerlik asasida, adil, ochuq – yoruq munasiwetler süpitide keng dairilik halda dawamlashturushni xalaymiz, bu  jehette, türkiyening milliy menpeetliri, muhim küntertipliri we tehdit tuyghusi aldinqi orunda turidu, bu dairide, ikki dölet otturisidiki munasiwetlerni toghra yönilishte ilgiri sürüsh we aktip küntertipke asasen heriket qilish üchünmu söhbetlirimiz dawamlashmaqta.»