«ilim-pen türkiyening siyasiy musteqilliqiningmu kapaliti»
jumhur reis rejep tayyip erdoghan yéngiliq yaritish we téxnologiyening tayanch küchi bolghan ilim-penning türkiyening siyasiy musteqilliqiningmu kapaliti ikenlikini éytti.
türkiye awazi radiyosi xewiri: jumhur reis erdoghan, türkiye pen – téxnika tetqiqat orgini we türkiye penler akadémiyesi ilim-pen mukapatlirini tarqitish murasimida qilghan sözide, mundaq dédi: «sanaetning barliq saheliride sanaqliq döletlerdin birige aylinish nishanini boylap, ulughwar pilanlirimizni izchil türde yenimu yüksek sewyege yetküzüp, yolimizni dawamlashturuwatimiz, téxnologiye musteqilliqining, siyasiy musteqilliqning kapaliti ikenlikidin ibaret roshen ilmiy heqiqetni boylap, dawamliq algha ilgirilewatimiz.»
türkiyening yéqindin buyan ilim – penge, alimlargha we téxnologiyege nahayiti zor ehmiyet bérip kéliwatqanliqini eskertken jumhur reis erdoghan, mundaq dep körsetti: «dölitimiz bu sayida téxnologiyening téximu yuqiri pellisige yétip, tirishchanliqlarning méwisini qolgha keltürüsh yolida algha ilgirilimekte, türkiye yer shariwi yéngiliq yaritish körsetküchide bu yil biraqla 10 baldaq yuqiri örlep, 41-orungha ötti, shuning bilen, aldinqi qatardiki 50 chong dölet ichide eng zor qudret tapqan döletke aylandi, aldinqi ayning axiri étibari bilen, yilliq nisbette 221 milyard dollarliq éksport sommisini qolgha keltürduq, xudayim buyrisa, soda aktip balanisi ashidighan künler yéqinlap qaldi, kompasmiz qoshulma qimmetlik mehsulatlarni ishlepchiqirishtur, yönilishimiz meblegh sélish, ishqa orunlashturush, ishlepchiqirish, éksport we tereqqiyattur.»
