تۈركىيە ئىراقنىڭ ئەربىل شەھىرىدە كەلكۈننىڭ تەسىرىگە ئۇچرىغانلارغا ياردەم قىلدى

تۈركىيە ئاۋازى رادىيوسى خەۋىرى: تۈركىيە قىزىل ئاي جەمئىيىتى ئىراق ۋەكىللەر ئۆمىكى باشلىقى فەرھات سۇرمەلى ئىراق قىزىل ئاي جەمئىيىتى بىلەن ھەمكارلىشىپ قۇشتەپە رايونىدا ياردەم تارقاتقانلىقىنى بىلدۈردى.

سۇرمەلى 2000 قىشلىق كىيىم، 500 ئەدىيال، 380 ئۇخلاش تۇلۇمى ۋە 2000 پايپاقنىڭ تارقىتىلغانلىقىنى ئەسكەرتتى.

ئېربىلدا 17-دېكابىر ياغقان قاتتىق يامغۇر سەۋەبىدىن ۋىلايەتتىكى نۇرغۇن مەھەللە ۋە رايونلاردا يۈز بەرگەن كەلكۈندە 12 كىشى ھاياتىدىن ئايرىلغان ئىدى.

كەلكۈن سۈيىدە يوقاپ كەتكەن 2 كىشىنى ئىزدەپ قۇتقۇزۇش پائالىيەتلىرى داۋاملاشماقتا.