elmenghush: türkiye afriqa elliri ittipaqining istratégiyelik shériki

türkiye awazi radiyosi xewiri: liwiye tashqi ishlar ministirliqi yazma bayanat élan qilip, istanbulda ötküzülgen 3 -  nöwetlik türkiye -  afriqa hemkarliqi bashliqlar yighinigha qatnashqan tashqi ishlar ministiri menghushning yighindiki sözide: «türkiye bilen afriqa elliri ittipaqining özara soda munasiwiti uzun yillargha sozulidu, afriqa elliri ittipaqining 2008 – yili  türkiyeni afriqa qitesining istratégiyelik hemrahi dep jakarlishi bilen, ikki terep otturisidiki medeniy we ijtimaiy munasiwetler janlandi» dégenlikini uqturdi.

«türkiye afriqa elliri ittipaqining istratégiyelik hemrahidur» dégen menghush: türkiye  -  afriqa hemkarliqining afriqa elliri ittipaqining yer shari sistémisida küch merkizige aylinish nishanigha mas ikenlikini, uning meblegh sélishqa paydiliq muhit yaritishqa we imkaniyetlik sijil tereqqiyatqa kapaletlik qilishqa yardem béridighanliqini tekitlidi.

liwiyelik ministir, dunyagha tesir körsetken pewquladde ehwallargha we müshkül iqtisadiy sharaitqa qarimay, afriqa elliri ittipaqi bilen türkiyening siyasiy, iqtisadiy we soda sahesidiki hemkarliqini dawamlashturuwatqan bolushining muhimliqigha isharet qilip ötti.