әрдоған йавропаниң осман кавалаға мунасивәтлик қарариға наразилиқ билдүрди
җумһур рәис рәҗәп таййип әрдоған қатар зийаритидин кейин мухбирларниң күнтәртипкә алақидар соаллириға җаваб бәрди.
түркийә авази радийоси хәвири: җумһур рәис әрдоған қатар әмири шәйх тәмимниң тәклипигә бинаән йуқири дәриҗилик истратегийәлик һәмкарлиқ комитетиниң 7 – нөвәтлик йиғинини доһада ачқанлиқлирини әслитип өтти вә шәйх тәмим билән айрим һәмдә һәйәтләр ара интайин үнүмлүк учришишларни өткүзгәнликлирини, қатар билән болған һәмкарлиқниң чоңқурлаштурулуши вә йеңи саһәләргә кеңәйтилиши тоғрисида һәр икки тәрәпниң сийасий ирадисини намайан қилғанлиқини тәкитлиди.
йәнә бир тәрәптин йавропа иттипақи иҗраийә комитети намлиқ министирлар комитетиниң содигәр осман кавала мәсилисини баһанә қилип түркийәгә қанунни дәпсәндә қилиш җазаси бәргәнликини тилға алған әрдоған: «биз өз әдлийәмизниң қараридин башқа йавропа иттипақи қарарини етирап қилмаймиз, улар өзиниң халиғинини қилсун» деди.
