«истанбул пул – муамилә мәркизини хәлқаралиқ мәркәзгә айландурушни нишан қиливатимиз»
җумһур рәис рәҗәп таййип әрдоған истанбул пул – муамилә мәркизини дунйадики муһим мәркәзләрдин биригә айландурушни нишан қиливатқанлиқлирини ейтти.
түркийә авази радийоси хәвири: җумһур рәис әрдоған, «районлуқ пул – муамилә конферанси» ға йоллиған синлиқ учурида, йеқинқи 2 йилдин буйан, сағламлиқ билән бирликтә иқтисадий тәрипиму бар болған йәр шари характерлик киризискә қарши күрәш қилиниватқанлиқини, 2020-йили дунйа иқтисадида% 3.5 төвәнләш, йәршари содисида% 10 кә йеқин тарийиш көрүлгәнликини, йемәк - ичмәк вә тавар баһасиниң дунйа миқйасида йеқинқи 10 йиллиқ рекортниң бузуп ташланғанлиқини әскәртиш билән бир вақитта, түркийәниң бу басқучта һәм йуқумға қарши күрәш, һәм иқтисад саһәсидә башқичә тәдбир қолланғанлиқини тәкитләп мундақ деди: «йуқум әң күчлүк һес қилинған мәзгилләрдиму, ишләпчиқириш, әшйа обороти, ишқа орунлаштуруш вә санаәт саһәсини тақаш йолини таллимидуқ. / ...2020 - йили % 1.8 лик нисбәт билән, 20 дөләт гуруһи ичидә әң зор тәрәққийатни қолға кәлтүрүш билән бир вақитта, санаәт ишләпчиқириш миқдарини әң көп ашурған дөләтләр қатаридин орун алдуқ, 2021-йилиниң биринчи чарикидә % 7.2 лик, иккинчи чарикидә болса % 21.7 лик ешиш сүритини қолға кәлтүрүп, йолимизни давамлаштурдуқ, шуниң билән бир вақитта, експорт саһәсидиму рекорт йаритип, йиллиқ нисбәттә 212 милйард доллар кирим киргүздүқ, йуқум мәзгилидә йәр шари характерлик селинмилар % 35 төвәнләп кәткән бир пәйттә, елимиздә асасән һеч астилимиди, худайим буйриса, 2021-йилини % 9 лик тәрәққийат билән тамамлашни нишан қиливатимиз.»
бу мувәппәқийәтләр билән параллел һалда хәлқаралиқ мәбләғ салғучиларниң түркийәгә болған қизиқишиниң ашқанлиқини әскәрткән җумһур рәис әрдоған, мундақ дәп көрсәтти: «иистанбул пул – муамилә мәркизини дунйадики муһим мәркәзләрдин биригә айландурушни нишан қиливатимиз, бу лайиһәниң исламий пул-муамилә җәһәттинму мәркәзгә айлинишини үмид қилимиз, бу һәқтики қанун чиқириш хизмәтлиримизни пат йеқинда тамамлаймиз.»
түркийәниң, мәбләғ селиш вә сода пурсити җәһәттә хәлқаралиқ мәбләғ салғучилар үчүн интайин җәлп қиларлиқ қанунға игә дөләт икәнликини байан қилған әрдоған, мәбләғ салғучиларни түркийәгә тәклип қилди.
