мустафа шәнтоп мәвлут қандилини тәбриклиди

түркийә авази радийоси хәвири: мустапа шәнтоп диний ишлар идариси тәрипидин тәййарланған вә бу йил баш темиси «пәйғәмбиримиз вә вападар җәмийәт» дәп бекитилгән «мәвлуди нәби һәптилики» паалийитиниң истанбул бүйүк чамлича җамәсидики ечилиш программисида қилған сөзидә, йәкшәнбини дүшәнбәгә бағлайдиған кечидә, йәни ребиуләввәл ейиниң 12-күни кәчтә, пәйғәмбәр әләйһиссалам туғулғанлиқиниң 1450 - йиллиқи болидиғанлиқини әскәртип, ислам дунйасиниң мәвлут қандилини тәбриклиди.
мустапа шәнтоп мәвлут қандилиниң дөләт, милләт вә үммити муһәммәд үчүн хәйирлик болушини, мәниви ойғиниш вә қайтидин тирилишниң дәрвазисини ечишини тилиди.
мустапа шәнтоп әсирләрдин буйан тинчлиқ вә бәхт-саадәт маканиға айланған ислам җуғрапийәсидә, бүгүнки күндә йетим-йесирлар вә айалларниң қәлбиниң от апити маканиға айланғанлиқини тәкитләп: «ислам дөләтлиридә беқиливатқан хәлқаралиқ террорлуқ тәшкилатлири әзалири җамәдә намаз оқуватқан мөминләрни, базарда сода- сетиқ қиливатқан бигунаһ кишиләрни виҗдансизларчә өлтүрмәктә. биз үмид нури издәватқан, зулумларниң ахирлишишини күтүватқан шундақла тинчлиқ вә хатирҗәмликни сеғиниватқан бу күнләрдә, бизгә чарә болидиған ниҗатлиқ йоли алдимизда турупту. бу йол аллаһниң китаби қурани кәрим вә униң аләмләргә рәһмәт қилип йоллиған пәйәмбириниң рәһбәрликидур» деди.