түркийә ваксина әмләштә ғайәт зор мувәппәқийәтләрни қолға кәлтүрмәктә
түркийәдә «ковид – 19» йуқумиға қарши күрәш даирисидә икки қута ваксина әмләнгәнләрниң сани 15 милйондин ашти.
түркийә авази радийоси хәвири: «дөләтлик <ковид – 19> ваксинаси әмләш истиратегийәси» даирисидә 18 йашқа тошқан һәр бир адәмгә вақит бекитилип ваксина әмләнмәктә, сода – сарайлар, айродурумлар, пойиз истансилири вә аптобус бекәтлири қатарлиқ адәм көп җайлардиму ваксина әмләш хизмити ишләнмәктә.
кәң хәлқ аммиси синовак вә бионтек ваксиналиридин бирини таллап әмләткүзмәктә.
сәһийә министирлиқиниң «covid19asi.saglik.gov.tr» тор адресидики дәл вақтида йеңилинип туридиған санлиқ мәлуматлириға қариғанда, 29 – ийун әнқәрә вақти саәт 15.07 етибари билән, биринчи қута ваксина әмләнгәнләрниң сани 33 милйон 927 миң 394 кишигә, иккинчи қута ваксина әмләнгәнләрниң сани болса, 15 милйон 3 миң 872 кишигә йәткән.
шуниң билән, 48 милйон 931 миң 266 қута ваксина әмләнгән.
