әрдоған: йәрлик ваксинаниң исми «турковак» болди
җумһур рәис рәҗәп таййип әрдоған «ковид – 19» йуқумиға қарши йәрлик ваксинаниң исминиң «турковак» болғанлиқини билдүрди.
түркийә авази радийоси хәвири: 3 – басқучлуқ йәрлик «ковид – 19» ваксинасини тәтқиқ қилип йасаш паалийәтлири даирисидә пидаийлар тәрипидин ишқа ашурулуватқан ваксина әмләш пирограммиси, җумһур рәис рәҗәп таййип әрдоғанниң видео конферанс васитиси арқилиқ иштирак қилишида әнқәрә шәһәрлик дохтурханисида башланди.
җумһур рәис рәҗәп таййип әрдоған, бу йәрдә қилған сөзидә, мундақ деди: «3 – басқучлуқ йәрлик <ковид – 19> ваксинасини тәтқиқ қилип йасаш паалийәтлири даирисидә йасап чиқилған бу ваксинамиз билән бирликтә, түркийә нөвәттә бу һәқтә йеңи бир дәврниң дәрвазилирини ачмақта, бирқанчә һәптә ичидә дөлитимиздики 18 йаштин йуқири нопусниң һәммисини ваксина әмләш пирограммисиға дахил қилимиз.»
у йәнә, йәрлик «ковид – 19» ваксинасиниң исминиң «турковак» болғанлиқиниму сөзлиригә илавә қилди.
