türkiye dunyada eng köp musapirgha sahibxanliq qilghan dölet
b d t musapirlar komissariyatining bu yilliq(2021)yer shari yüzlinish doklatigha asaslanghanda,dunyada zorawanliq we zulum sewebidin yurtidin ayrilghanlar sani10yilda rékort sewiyede ashqan bolup,2020-yili82 milyon400mingdin artuq kishi yurtliridin ayrilghan.
türkiye awazi radiyosi xewiri: ötken yili (2020) wuxen wirusi (Kovid-19) yuqumi sewebidin yolgha qoyulghan sayahet cheklimilirige qarimay, texminen 3 milyon kishi yurt-makanliridin ayrilishqa mejbur bolghan.
öz döletliridin ayrilghanlarning béshida süriyelikler bar bolup, wénézuélaliqlar, afghanistanliqlar, jenubiy sudanliqlar we arakan musulmanlirimu orun alghan.
yurt-makanliridin ayrilghanlarning %42 ni 18 yashtin töwen balilar teshkil qilghan bolsa, 2020-2018-yilliri arisida texminen 1 milyon bala musapir halette dunyagha kelgen.
b d t melumatlirida körsitilishiche, türkiye eng köp musapir qobul qilghan döletlerning biri bolghan. türkiye 3 milyon 700 ming musapirgha sahibxanliq qiliwatqan bolup, yéqinqi yette yildin buyan dunyada eng köp musapir panahliniwatqan döletke aylanghan. türkiyedin qalsa, kolombiyede 1.7 milyon, pakistanda 1.4 milyon, ugandada 1.4 milyon we gérmaniyede 1.2 milyon musapir panahlanmaqta iken.
doklatta, wuxenwirusi cheklimilirining emeldin qaldurulushi bilen dunyada toqunushlarning köpiyidighanliqi eskertildi we kilimat özgirishining bu ehwalni téximu yamanlashturidighanliqi qeyt qilindi.
