erdoghan hafizliq oqughuchiliri murasimigha qatnashti
jumhur reis rejep tayyip erdoghan istanbuldiki ayasofya jameside ötküzülgen marmara anadolu imam – xatip toluq ottura mektipi hafizliri (qariyliri) murasimigha qatnashti.
türkiye awazi radiyosi xewiri: murasimda hafizliqlirini tamamlighan (quran kerimni toluq yadlap bolghan) 136 oqughuchi diplom aldi.
hafiz oqughuchilar quran kerim tilawet qilghan murasimda, jumhur reis rejep tayyip erdoghanmu quran kerim tilawet qildi.
diplom tarqitish murasimida, jumhur reis rejep tayyip erdoghanning newrisi ömer tayyip bilen türkiye büyük millet mejlisi bashliqi mustafa shentopning oghli ömer asimmu diplom aldi.
hafizlargha türlük hediyeler bérilgen murasimning axirida, jumhur reis erdoghan hafizlar bilen birlikte xatire süretke chüshti.
murasimgha, türkiye büyük millet mejlisi bashliqi mustafa shentop, muawin jumhur reis fuat oktay, sudan igilik hoquq kéngishining muawin bashliqi muhemmed hemdan dagalo hmidti, diniy ishlar idarisining bashliqi piroféssor doktor eli erbash, hafiz oquchilarning ata – aniliri we teklip qilinghan méhmanlar qatnashti.
