تۈركىيە ئىسرائىلىيەنىڭ غەززەدىكى قاتار قىزىلئاي جەمئىيىتىنى بومباردىمان قىلىشىنى ئەيىبلىدى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى تاشقى ئىشلار مىنىستىرلىقى باياناتچىسى باش ئەلچى تانجۇ بىلگىچ بۇ ھەقتىكى بىر سوئالغا جاۋاب بېرىپ، «خەلقئارالىق ئىنسانىي ھەق – ھوقۇقنىڭ ئوچۇق – ئاشكارا دەپسەندە قىلىنىشى بولغان بۇ ئەپسۇسلىنارلىق ھۇجۇملار نەتىجىسىدە ھاياتىدىن ئايرىلغانلارغا ئاللاھتىن مەغپىرەت، يارىلانغانلارغا تېز شىپالىقلار تىلەيمىز. دوست ۋە قېرىنداش قاتار دۆلىتى ۋە خەلقىگە تەزىيە بىلدۈرىمىز» دېدى.

خەلقئارا جەمئىيەتنى ئىسرائىلىيەنىڭ قارا – قويۇق، شۇنداقلا مۇۋازىنەتسىز كۈچ ئىشلىتىشىگە خاتىمە بېرىش ۋە خەلقئارا قانۇنغا رىئايە قىلىشقا مەجبۇرلاشقا كۈچ چىقىرىشنى كۈچەيتىشكە چاقىرغان بىلگىچ: «قاتار قىزىلئاي جەمئىيىتى مەركىزىي بىناسىنىڭ 2021 – يىلى 17 – ماي ئىسرائىلىيە تەرىپىدىن بومباردىمان قىلىنىشى بىلەن شەيخ ھەمەد بىن خەلىفە ئال سانى دوختۇرخانىسىنىڭ بۇزغۇنچىلىققا ئۇچرىشىشىنى كەلتۈرۈپ چىقارغان ھۇجۇملىرىنى قاتتىق ئەيىبلەيمىز» دېگەنلەرنى قەيت قىلدى.