оқтай һейт намизидин кейин исраилийәниң қуддустики қилмишлириға наразилиқ билдүрди

түркийә авази радийоси хәвири: җумһур рәис йардәмчиси фуат оқтай пайтәхт әнқәрәдики милләт җамәсидә һейт намизини өтигәндин кейин байанат бәрди؛ у исраилийәниң 1947 – йилидин бери зулум селип келиватқан бир террор дөлити икәнликини билдүрүп: «қуддус пәләстинликләрниңкидур вә пәләстин бир мустәқил дөләт сүпитидә — иншааллаһ — келәчәктә өзи лайиқ орунға игә болиду» деди.

исраилийәниң бир қанчә күндин буйан давамлишиватқан һуҗумлириға дунйаниң сүкүт қиливатқанлиқиға ишарәт қилған оқтай: «қуддусни мәҗбурий шәкилдә исраилийәниң пайтәхти дәп етирап қилдурушқа тиришиватқан дөләтләр бу зулумға шериктур» деди.

у, мәсҗиди әқсада пәләстинликләргә қилинған һуҗумларға наразилиқ билдүрүп: «исраилийә дөлити пүтүнләй бир террор дөлитигә айланди. иншааллаһ бу зулум ахирлишиду. немә қилса қилсун, мәсҗиди әқса мусулманларниңки, пәләстинликләрниңкидур» дегәнләрни қәйт қилди.

у йәнә исраилийәниң мәсҗиди әқса вә пәләстинликләргә қиливатқан һуҗумлириниң давамлишивәрсә болмайдиғанлиқини оттуриға қойуп: «мәсҗиди  әқса бизниң тунҗи қиблимиздур вә тунҗи қиблимиз болушни давамлаштуриду. қуддус пәләстинниң пайтәхтидур вә пайтәхти болушни давамлаштуриду» дегәнләрни сөзлиригә илавә қилди.