ئەردوغان «قۇتئۇلئەمارە» شېھىتلىرىنى ئەسلىدى

تۈركىيە ئاۋازى رادىيوسى خەۋىرى: جۇمھۇر رەئىس ئەردوغان قۇتئۇلئەمارە زەپىرىنىڭ 105 - خاتىرە كۈنىدە شېھىتلەرنى ئەسلىدى؛ ئۇ ئىجتىمائىي تاراتقۇدىكى ئادرېسىدا تارقاتقان ئۇچۇرىدا: «مىللىتىمىز يازغان مىسلىسىز داستان — قۇتئۇلئەمارە زەپىرىنىڭ 105 – يىلىدا قەھرىمان شېھىتلىرىمىزنى مىننەتدارلىق بىلەن ئەسلەيمەن» دېگەن ئىبارىلەرگە ئورۇن بەردى.

1916 – يىلى 29 – ئاپرېل ئىراق فىرونتىدا تۈرك ئارمىيەسىنىڭ كەسكىن غەلىبىسى بىلەن ئاخىرلاشقان قۇتئۇلئەمارە ئۇرۇشى، بىرىنچى دۇنيا ئۇرۇشىنىڭ ھەل قىلغۇچ جەڭلىرىنىڭ بىرى دەپ قارىلىدۇ. مايۇر گېنېرال چارلېس ۋېر فېررېس توۋنسشېند قوماندانلىقىدىكى ئەنگلىيە قىسىملىرىنىڭ تەسلىم قىلدۇرۇلۇشى بىلەن قولغا كەلتۈرۈلگەن بۇ غەلىبە، چاناققەلئەدىن قالسا، بىرىنچى دۇنيا ئۇرۇشىنىڭ ئەڭ چوڭ غەلىبىسى بولۇش ئالاھىدىلىكىگە ئىگە.