türkiye dunyaning tunji köchme «bina analiz qilish» tejribixanisini layihelidi

türkiye awazi radiyosi xewiri: dunyaning tunji köchme tejribixanisi «molab» apet rayonidiki xeterlik imaretlerni bayqashqa ishlitilidu.

munasiwetlik xadimlar teripidin apet rayonidiki xeterlik binalardin élinghan ewrishkeler köchme tejribixanida analiz qilinidu. tekshürüshtin kéyin, binaning xeterlik yaki emesliki we chéqilip - chéqilmaydighanliqigha qarar qilinidu.

mezkur köchme tejribixana imaretlerning konkrét küchini, sighimchanliqini belgilesh, tupraq sharaiti we siyrilip chüshüsh éhtimalliqi dégendek mesililerni bayqash iqtidarigha ige.

ottura hésab bilen ikki saettin töt saetkiche bolghan ariliqta barliq tekshürüshlerni tamamlap, qarar chiqirishni kapaletke ige qilidighan tejribixanilar, dawamliq shekilde binalarning herikitini nazaret qilidu. binalardiki azraqla heriketlinish bolghanda, derhal munasiwetlik kishige uchur yollaydu.