мәвлут чавушоғлу мисир билән болған мунасивәтләр үстидә тохталди
ташқи ишлар министири мәвлут чавушоғлу мисир билән йеңи мәзгилдә өз-ара зийарәтләрниң болуши мумкинликини ейтти.
түркийә авази радийоси хәвири: ташқи ишлар министири мәвлут чавушоғлу пайтәхт әнқәрәдә мухбирларға күн тәртипкә алақидар байанат елан қилди.
мәвлут чавушоғлу, мисир билән болған мунасивәтләр үстидә тохтилип, «йеңи мәзгилдә өз-ара зийарәтләр вә музакириләрму болуши мумкин» деди.
мәвлут чавушоғлу икки дөләт оттурисида муавин ташқи ишлар министирлири сәвийәсидә йиғин өткүзүлидиғанлиқини елан қилип,, пиланлашниң давамлишиватқанлиқини вә вақтиниң техи ениқ әмәсликини ейтти.
мәвлут чавушоғлу мисирға баш әлчи тәйинләш мәсилисиниң техи музакирә қилинмиғанлиқини тилға елип, бу мәсилиниң муавин министирлар сәвийәсидә өткүзүлидиған йиғинда күн тәртипкә елип келиниши мумкинликини әскәртти.
мәвлут чавушоғлу гиретсийә ташқи ишлар министири никос дендийасниң әнқәрә зийарити һәққидә тохтилип, зийарәтниң бир күн кечиктүрүлгәнликини ейтти.
мәвлут чавушоғлу белгийәниң пайтәхти бирйусселда бүгүн шималий атлантик әһди тәшкилати кеңиши йиғини өткүзүлидиғанлиқини вә бу һәқтә дендийас билән телефонда көрүшкәнликини, дендийасниң әнқәрә зийаритиниң әтә елип берилидиғанлиқини байан қилди.
