түркийәдә бүгүн 273 йуқумланғучи қаза қилди
түркийәдә йеқинқи 24 саәт ичидә «ковид – 19» йуқуми сәвәбидин 273 киши җенидин айрилди.
түркийә авази радийоси хәвири: бүгүн түркийәдә «ковид – 19» йуқуми сәвәбидин 273 киши җенидин айрилди. буниң билән, «ковид – 19» йуқуми сәвәбидин җенидин айрилғанларниң омумий сани 34 миң 455 гә йәтти.
бүгүн бир күндә саламәтлики тәкшүрүлгән 306 миң 563 кишиниң 2 миң 723 нәпиридә йуқум байқалди.
күндилик йуқумланғучилар омумий сани 59 миң 187 гә йәтти.
давалинип дохтурханидин чиққан 52 миң 104 киши билән, саламәтлики йахшиланғанларниң сани 3 милйон 424 миң 733 кә йәтти.
бу арилиқта, җумһур рәис рәҗәп таййип әрдоған, «ковид – 19» йуқумиға қарши күрәш тәдбирлири даирисидә министирлар кеңишида мақулланған қарарларни елан қилди.
15 күнлүк «қисмән өйдин сиртқа чиқмаслиқ тәдбирлири» даирисидә؛ һәптә ахирлири тамамән, һәптә ичи (әнқәрә вақти саәт) 19.00 – 05.00 арилиқида кочиға чиқиш чәклимисиниң иҗра қилинидиғанлиқини, бу саәтләр сиртида шәһәрләр ара сайаһәтләрниң зөрүр әһвалларниң сиртида мәний қилинғанлиқини әскәрткән җумһур рәис әрдоған, дөләт орунлирида кәң омумлаштурулидиған хизмәт орнида еһтийаҗқа қарап аз киши билән ишләш, қалған хизмәтләрни йирақтин тор муһити астида давамлаштуруш тәдбирлириниң хусусий саһәләрдиму тәшвиқ қилинидиғанлиқини, һәр хил имтиһанларға тәййарланған синиплар вә оқуш йешиға тошмиған балилар бөлүмини һесабқа алмиғанда, маарип хизмитиниң йирақтин давамлаштурулидиғанлиқини, ресторан қатарлиқ иш орунлириниң пәқәт булақ мулазимитинила қилидиғанлиқини, үсти йепиқ саһәләрдики аммиви паалийәтләрниң уда бир ай кечиктүрүлгәнликини тәкитләп мундақ деди: «әгәр биз икки һәптә ичидә нишанимиз бойичә йахши вәзийәткә қәдәм қойалмисақ, у чағда техиму қаттиқ тәдбирләрни йолға қойимиз.»
