чанаққәлә вә измирда онларчә мусапир қутқузувелинди

түркийә авази радийоси хәвири: түркийә деңиз қирғиқи мудапиәси қоманданлиқи хадимлири чанаққәләниң айваҗик наһийәси сивриҗә райони деңиз тәвәликидә қийин әһвалда қалған  икки қейиқтики мусапирларни қутқузувалди.

районға йетип барған деңиз қирғиқи мудапиәси хадимлири, гиретсийә деңиз қирғиқи мудапиәси хадимлири тәрипидин түркийә деңиз тәвәликигә қайтишқа мәҗбурланғанлиқи ениқланған 33 мусапирни қутқузуп қуруқлуққа елип чиқти вә мунасивәтлик рәсмийәтләрдин кейин айваҗик наһийәлик чәт әлликләрни қайтуруш мәркизигә өткүзүп бәрди.

измирниң чәшмә наһийәси деңиз тәвәликидиму камер кемисиниң моторида кашила көрүлүп деңизниң оттурисида қалғандин кейин йардәм тәләп қилған 23 мусапир, түркийә деңиз қирғиқи мудапиәси қоманданлиқи хадимлири тәрипидин қутқузулуп, вилайәтлик көчмәнләр идарисиға өткүзүп берилди.