өмәр чәлик гиретсийәниң көчмәнләрни уруп, пули вә паспортлирини тартивалғанлиқини әйиплиди
адаләт вә тәрәққийат партийәсиниң байанатчиси өмәр чәлик гиретсийә әскәрлириниң әдирнә чеграсида көчмәнләрни урғанлиқини шундақла уларниң пули вә паспортлирини мусадирә қиливалғанлиқини әйиблиди.
түркийә авази радийоси хәвири: өмәр чәлик тивиттердики йазмисида, гиретсийә қисимлириниң көчмәнләргә қарита инсанийәткә хилап позитсийәсини давамлаштуриватқанлиқини тәкитлиди.
өмәр чәлик: «биз гиретсийә әскәрлириниң әдирнә чеграсида көчмәнләрни урғанлиқини, уларниң пули вә паспортлирини мусадирә қилғанлиқини һәтта айағлириниму тартивилип чегра линийәсидин чиқарғанлиқини әйибләймиз» деди.
өмәр чәлик: «йавропа иттипақи өз чеграсидики бу инсанийәткә хилап қилмишларға йол қоймаслиқи керәк. бу чеграни қоғдаш әмәс, әксичә, кишилик һоқуққ дәпсәндичиликидур. бу хил чегра қоғдаш һәрикити билән чегралирини қоғдап, йәнә бир тәрәптин кишилик һоқуқ вә кишилик қиммәт қараштин сөз ечиш мумкин әмәс. миллитимиз һәр даим езилгүчиләрниң панаһҗайи сүпитидә хатирилинип кәлди вә бу бизниң әң чоң иптихарлиниш мәнбәлиримизниң бирсидур. ичидә айаллар вә балиларму бар болған 29 көчмәнни қутқузувалған мәһмәтчилиримизни тәбрикләймиз» деди.
