تۈركىيە ئارمىيەسىنىڭ «ماۋى ۋەتەن — 2021» ناملىق ھەربىي مانېۋىر باشلاندى

تۈركىيە ئاۋازى رادىيوسى خەۋىرى: ئەگە ۋە ئاقدېڭىزدا باشلانغان «ماۋى ۋەتەن — 2021» ھەربىي مانېۋىرىنىڭ ئىجرا قىلىنىش دائىرىسى بىر قەدەر كەڭ بولۇپ، ئۇنىڭغا 169 پاراخوت بىلەن نۇرغۇن ئايروپىلان ۋە تىك ئۇچار ئايروپىلانلار ئىشتىراك قىلماقتا.

مانېۋىردا ئۇچقۇچىسىز ھاۋا ئاپپاراتلىرىمۇ ئىشلىتىلمەكتە. دېڭىز ھەرىكىتى رايونىدا ئۇچار نىشانلار سۇ ئۈستى ۋە ھاۋا مۇداپىئە قىسىملىرى تەرىپىدىن بىر تەرەپ قىلىنماقتا.

مانېۋىر جەريانىدا دېڭىز ئارمىيەسى قوماندانلىق ئورگىنىغا قاراشلىق مەركەز، قىسىم ۋە پاراخوتلارنىڭ يۈز بەرگۈسى ۋەقەلەرگە تاقابىل تۇرۇش تەييارلىقلىرى باھالىنىدۇ.

مانېۋىر جەريانىدا يەنە ئىشتىراك قىلغۇچى قىسىملارنىڭ ئىقتىدارى بىلەن ئۆزئارا ھەمكارلىقىنىڭ ئاساس ۋە ئىمكانىيەتلىرىمۇ كۆزدىن كەچۈرۈلىدۇ. مانېۋىر جەريانىدا يۈز بەرگۈسى ئۇرۇشقا قارشى تەييارلىق سەۋىيەسى يۇقىرى كۆتۈرۈلىدۇ.

مەشغۇلات تاكتىكىسى يۇقىرى سەۋىيەگە كۆتۈرۈلىدۇ.

«ماۋى ۋەتەن — 2021 » ناملىق مانېۋىر 7 - مارت يەكشەنبە كۈنى ئاخىرلىشىدۇ.